Proxecto Abalar... mellor por cable

Correo recibido por la asociación desde APDR y que mostramos en su totalidad por el interés para los padres en torno a todo el despliegue de las redes WiFi en los centros y de sus posibles riesgos:
"Con motivo do despregamento das tecnoloxías da información nas aulas a través do Proxecto ABALAR, onde se dota ao alumnado seleccionado de 5º e 6º de Primaria e 1º e 2º de Secundaria  de portátiles, pantallas dixitais en conexión WIFI, manifestámosvos a inquedanza dende colectivos sociais, pais e nais, docentes e persoal sanitario pola  PROBLEMÁTICA QUE A COMUNICACIÓN INALÁMBRICA DA REDE WIFI PODE CAUSAR NA SAÚDE e dirixímonos a vostedes, implicados nos centros de ensino dos seus fillos/as para ofrecerlles información sobre a relevancia para a saúde do alumnado e profesorado.

O Consello de Europa (25.05.2011), que parte dun maior risco de efectos biolóxicos potencialmente nocivos dos campos electromagnéticos na infancia e mocidade en base á revisión de máis de 1.500 estudos co apoio da Axencia Europea de Medio Ambiente, xa solicitou aos estados membros primar nas aulas a conexión a internet por cable [sen WiFi], evitando o uso do móbil no recinto escolar, e fomentar campañas de información e sensibilización sobre os seus efectos potenciais nocivos. A propia Axencia Internacional do Cancro (IARC) da OMS (31-05-2011) xa clasificou estas radiacións de microondas (móbiles, teléfonos sen fíos -DET-, Wi-Fi, Wimax, …) como posíbeis canceríxenos do grupo 2b baseándose no aumento de risco de padecer glioma, un tipo de tumor cerebral maligno, asociado co uso de teléfonos móbiles, recomendando o seu Director, Christopher Wild, "reducir a exposición a estes dispositivos" mentres se segue a investigar.

A nosa preocupación, que non xorde por consideracións educativas ou tecnolóxicas, fundaméntase exclusivamente nas consecuencias para a saúde do alumnado e do persoal docente e auxiliar que, coa conexión sen fíos a internet, veríanse expostos/as de cotío á contaminación electromagnética das radiacións de microondas  ao longo de toda xornada lectiva no curso escolar, cuns PICOS nos niveis de radiación nas aulas MOI SUPERIORES aos esperados, cos consecuentes efectos acumulativos.

Noutros países da nosa contorna xa comezou a aplicarse o Principio de Precaución coa retirada da conexión Wi-Fi / WIMAX (a favor do cable) DE CENTROS ESCOLARES, BIBLIOTECAS, UNIVERSIDADES e REDES MUNICIPAIS por problemas de saúde.

A campaña ESCOLA SEN WIFI pretende INFORMAR a pais e nais e docentes para que poidan TOMAR As MEDIDAS DE PRECAUCIÓN NECESARIAS NO seu CENTRO EDUCATIVO poñendo a súa disposición o DOSSIER ESCOLA SEN WIFI 2012 creado a tal efecto.

Para calquera dúbida ou suxestión poden porse en contacto connosco a través da Web: http://www.apdr.info/escolasenwifi.htm  ou no enderezo electrónico: apdr@apdr.info