Veñen de publicarse no Diario Oficial de Galicia as axudas establecidas pola Xunta para a adquisición de libros cara ao curso 2015/16 e o fondo solidario de libros de texto.
Adxuntamos enlace a páxina do Instituto onde tedes toda a información de ambas axudas,
Para o resto dos alumnos que non poidan acollerse ás axudas establecidas pola Xunta de Galicia, de seguido tedes información do noso proxecto de intercambio de libros de texto
entre os país ou titores legais para o curso 2015/2016,
Conscientes de que os libros de
texto seguen levando a maior porcentaxe do presuposto familiar na operación “volta ó cole”, e polo tanto conscientes
da transcendencia que vai ter para
as familias con fillos en idade escolar as axudas postas en marcha pola Xunta para
o curso 2015/2016, esta Asociación acordou poñer en marcha un proxecto de intercambio de libros de texto
entre os pais ou titores legais para o curso 2015/2016, que non poidan
acollerse ás axudas establecidas.
Para poñelo en marcha é imprescindible que o proxecto
sexa do centro, por iso, ademais dos alumnos e das familias que de forma
voluntaria respaldedes o proxecto, contamos tamén co apoio da dirección, do profesorado
e do persoal do centro en xeral.
|
Os obxectivos
que perseguimos son:
|
1. Economizar
no gasto de libros de texto e así, obter unha mellor utilización dos
recursos.
2. Contribuír á conservación do medio ambiente.
3. Fomentar
o coidado dos libros polos nenos como valor educativo e cultural.
4. Practicar
a solidariedade e a cooperación entre as familias como valor na sociedade.
5. Acercar
ós pais, titores e alumnos a coñecer a nosa páxina web.
|
Descrición do proxecto:
|
Trátase dun proxecto de intercambio de libros de texto para o curso 2015/2016 entre os pais ou titores legais, onde a
ANPA unicamente pon a disposición
dos mesmos o seu traballo e as súas ferramentas informáticas, tanto o seu correo electrónico como a súa páxina web a modo de “taboleiro de
anuncios” para divulgar as demandas ou aportacións dos pais. Para calquera dúbida
ou información sobre o proxecto non dubides en poñerte en contacto con nós a
través do correo electrónico da ANPA.
|
Procedemento:
|
1-Os pais ou titores enviarán un correo electrónico á ANPA, cuxa
dirección figura ó pé do presente escrito, no que indicarán, de forma obrigada:
a) nome completo do alumno e
curso no que se vai matricular no curso 2015/2016
b) teléfono de contacto
c) que libros solicita para o seu
fillo /a ou que libros pon a disposición do resto dos pais
2-A ANPA
publicará na súa páxina web, cuxa
dirección figura ó pé do presente escrito, a petición ou demanda de libros solicitados xunto ó teléfono
de contacto, unha vez comprobados os datos enviados no correo electrónico.
Nunca se publicarán os datos do alumno.
3-Os pais
consultarán a páxina web onde poden
ver os anuncios publicados e poranse en
contacto directamente co teléfono
que alí figura para levar a cabo o intercambio.
4-Efectuado o intercambio deberán poñelo en coñecemento da ANPA mediante correo
electrónico para dar de baixa o anuncio.
Isto facilitará a xestión da páxina web para o resto dos usuarios do proxecto.
|
Requisito para participar:
|
Poderán participar neste proxecto tódolos alumnos do IES E. Blanco Amor matriculados
no cuso 2015/2016, tanto os alumnos da
ESO como os de BACHARELATO.
|
Prazo:
|
O prazo
para comezar o envío de correos electrónicos á ANPA e para publicar os anuncios
na páxina web iníciase unha vez
matriculado o alumno e finalizará o
30 de setembro de 2015. Rematado este prazo
procederase a eliminar tódolos anuncios da páxina web.
|
Dirección de correo electrónico da ANPA
|
anpa.blanco.amor@gmail.com
|
|
Páxina web da ANPA
|
anpablancoamor.blogspot.com
|
